Dicen que’n un bolero
se planta o chelo
por San Martín;
Tamién que o blanco ivierno,
como ye viello...
camín camín.
Que o sol guarda en neveros
a luz d’os besos
soniando abril.
Abril: bailando un vals,
chirando sin parar,
entre boiras y viento
berruntas tempestat;
dispiertarán os ecos
d’a plevia en o cielo
crebando La Val d’Echo
por Lo Subordán.
Y entre marzo marcero
y abril d’aguaceros...
Santa Bárbara en puerto,
tronada en a val.
Abril: brindaré una vez más...
¡Ríos vivos abrazando o mar!
Abril que auguas mil portiarán
colorachos pa’l arco San Chuan.
Dicen que en un bolero
se’n ve Fagüeno
y retorna Ausín;
tamién que a nieu y o cierzo
chugan contentos
como os mixins.
¡Que transparents os versos,
chislas d’o tiempo
y a flor d’abril!
...Abril d’enamorar,
plevendo sembrarás
destellos d’augua y fuego
que a vida han d’alumbrar;
Abril: si barro os güellos
m’aguarda un ricuerdo...
-¡Abril, yeras d’espiello!-
tornar-te a besar.
Y entre marzo marcero
y abril d’aguaceros...
Santa Bárbara en puerto,
tronada en a val.
Abril: brindaré una vez más...
¡Ríos vivos abrazando o mar!
Abril que auguas mil portiarán
colorachos pa’l arco San Chuan.
The latest from Awesome Tapes from Africa is a collection of songs from Awa Poulo, full of brittle guitars and leaping vocals. Bandcamp New & Notable Dec 24, 2016