Brilan as estrelas,
suenian os ibons...
mar de primaberas
d’auguas y de flors.
Suenan campanetas,
ye naxiu o Ninón...
dezaga d’un cometa
reyes y pastors.
Arde, arde, arde Tronca de Nadal...
escuita a biella canta y prenzipia a temblar
Arde, arde, arde... y repica o bastón,
panderos y guitarras, gaita y fabirol.
Arde, arde, arde Tronca de Nadal...
si femos chundarata o gallo cantará.
Bolisnas y chebras
dibuxan os mons,
a nieu baxa lenta
enta os carrerons.
Diz que a luna, queda,
fa d’espiello a o sol...
luz d’a güena nueva,
nuei de paz y amor.
Arde, arde, arde Tronca de Nadal...
escuita a biella canta y prenzipia a temblar
Arde, arde, arde... y repica o bastón,
panderos y guitarras, gaita y fabirol.
Arde, arde, arde Tronca de Nadal...
si femos chundarata o gallo cantará.
credits
from BIELLOS TIEMPOS,
released February 4, 2019
Letra y música: Kike Ubieto