We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.
/
  • Streaming + Download

    Includes unlimited streaming via the free Bandcamp app, plus high-quality download in MP3, FLAC and more.
    Purchasable with gift card

      €10 EUR  or more

     

1.
De maitinada 03:26
no son de reiseñor tampó de fuellas d’abres ni vienen d’o mar ni las porta l’aire . . . Cuan cada amaneixer o cuarto s’imple de cantas rechiro baixo l’almada e bi trobo a tuya imachen ristolera y espullata ¿Yes tu qui tañe de maitinada?
2.
e á la fin cuan se fa la calma no i remane sique l’adiós d’a nueit o buen día d’a temprananza a man con as de tu añudada . . . os míos uellos perdius n’a tuya mirada cuan plega la paz e tot s’amansa yes tu qui m’acubilla baixo as alas. Vayse meu corazón de mibi, ay habibi... ¡Ay habibi! Nos achuntan culturas una remota istoria común e un similar sentimiento os míos uellos perdius n’a tuya mirada cuan plega la paz e tot s’amansa yes tu qui m’acubilla baixo as alas. Mezquita d’os Omeya yamaa quibir de Damasco cuentra o tiempo eterna Un arizón me porta enta Cordoba ¿Pa qué ha valito a istoria?
3.
En silenzio 03:43
De bislai me te miro como qui acucuta esperando l’alba conservo a tuya voz choya que cada dispertar en silenzio me regalas no cal que parles calla De bislai me te miro como qui acucuta esperando l’alba chicoteta luminosa flor que como fuego d’artifizio esclata no cal que parles calla
4.
Empentas que da la vida con as ilusions nos matan. An que tot yera alegría no nos queda sique a esperanza. Esperanza sin salida, zarrada en cuatro parez; esperanza que se muere n’as radizes de l’alma mía. Empentas que da la vida con as ilusions nos matan. An que tot yera alegría no nos queda sique a esperanza. Mientras que a vida que sigue n’o suyo camín sin guía chira buscando e pide bella mica d’alegría. E no troba que arañons que amarguean a saliva, e alcuentra solo esperanzas que nos matan l’alegría. Empentas que da la vida con as ilusions nos matan. An que tot yera alegría no nos queda sique a esperanza.
5.
El Cadril 02:37
6.
...No grollean as alodas n’ixa soledat vueda de l’alma, ni esgarra o sol as boiras que nos alticaman... No ruixa l’augua as mans, no besa l’aire as caras... No rido ya, amigos, que a muerte m’acompaña. Cuan a tuya parola naix de tierra fértil tresmina se torna regacha sobreixida que a mía gola engarona me da vida me multiplica o peito abollona l’alma mía. Ista maitinada de silenzios m’embolica en o tuyo ricuerdo esbozo toz os colors y as línias afogo sonius y palabras Queda l’augua d’os tuyos uellos y o timbre d’a tuya voz Como punto de riferenzia con ixo basta O mar e zaga o mar o desierto Aquí e astí ye o mesmo Astí te tenebe Aquí no b’ha sique recuerdo
7.
Cuan digo que te quiero abaixas a mirada e callas Volas en silenzios que no sé án rematan Me te miro yes malinconico como día de boira d’ibierno ¿Pero qué puedo fer yo Pa seguir-te en o volito? Me t’escapas me pierdo e callas e callas Cayen os menutos tristos con cadenzia de fuellas d’agüerro Cuan digo que te quiero abaixas a mirada e callas Volas en silenzios que no sé án rematan (Encá que no bi ha rispuesta cuan tornes antes que parles no cabidaré parolas tornaré a dizir te quiero) Bel día puestar que seiga tan luengo e fundo lo silenzio que o ixagrín plegue a afogar-me Si arriba ixe momento levanta os uellos e cata-me Me t’escapas me pierdo e callas e callas Cayen os menutos tristos con cadenzia de fuellas d’agüerro
8.
Luen yo e lueñes tu o mar en meyo Como un barco veler sobre as aguas navega o tuyo recuerdo tan fuerte l’alyum que nos encapinaba en a nueit de Tadmur. Luen yo e lueñes tu o mar en meyo empentato por o viento que porta l’aglor d’o desierto tan fuerte como l’alyum que nos encapinaba en a nueit de Tadmur.
9.
Alá ye gran chirmán me diziés e chusto Qué pena que os dioses no seigan que un aconorto pa la eternidat nunca chuezes pa iste mundo Per ixo chirmán te pregunto án foricar pa que tresmine tanta sangre escampata tanta que torne á tintar o riu que la levanten as norias que engarone as tierras ¿No b’ha modo de luitar cuentra la istoria?
10.
No ye chazmín ni violas ni dondiego soi salito ent’o balcón pa millor viyer-lo e només m’ha rezibito a nueit en silenzio e o gramito terne d’o mar no guaire leixos Agora yes ulor color u grolleo en cualsiquier momento y en cada dispertar a luz d’o día acollata á o mío cuerpo ¿E puez dudar que ye perque te quiero? Ixa aroma que embulle a casa lo sé ye o ricuerdo e no cal que te busque perque t’alcuentro en toz os cantons en as fuellas d’o cuaderno en o leito en os libros enreligato en os cabellos Agora yes ulor color u grolleo en cualsiquier momento y en cada dispertar a luz d’o día acollata á o mío cuerpo ¿E puez dudar que ye perque te quiero?
11.
Vera 01:13
á o mar le creixen brazos brancas floreixidas de mimosa que esclata primavera le naixen bocas que en mil lenguaches incomprensibles te gritan per o tuyo nombre as olas foradan uellos ubiertos á sols de meidía que enluzernan e ta tu me menan o mar siempre o mar tan lueñes e tan zerca amagando con esbruma tanta ausenzia ... sobre ixe mar m’aduermo pa que entre suenios i apareixcas tu retillán estrella
12.
El Tin-Tan 03:45
13.
si lueñes de tu s’escureixen e s’escoloran mons e boiras si n’o zielo no queda sique una cuasi amortada estrela si o mar que tanto amo e que tu has amau con yo s’esmera di-me ¿pa podere tirar entadebán qué me deixas? si més poderosa que mons boiras estrelas e mars a tuya parola se diluye n’a fosquera d’ixe silenzio que ilusions acotola si o mar que tanto amo e que tu has amau con yo s’esmera di-me ¿pa podere tirar entadebán qué me deixas?
14.
Plevia de fuellas d’agüerro mansa cadenzia d’un beso royos campos d’esparzeta paisaches sin d’abres sólo tierra grisa blanca amarillenca d’orizons tan puros tan vastos T’en vas pero no me deixas te retiengo entre os míos brazos pa sentir-te sobre yo como plevia de fuellas con cadenzia de beso como tierra que amo Calma que domina o campo o campo a tierra os pueblos que amo alazet y radiz d’as mías fuerzas Acabas d’ir-te-ne fa un rato e encara son aquí o tuyo riso e a mirada amansando ista fuerza que m’esclata T’en vas pero no me deixas te retiengo entre os míos brazos pa sentir-te sobre yo como plevia de fuellas con cadenzia de beso como tierra que amo
15.
Aires 02:02
Aires que escoban e empuercan as ausenzias bien sentidas. Murallas sin puertas viellas, ventanos sin luz de día.
16.
Versos pa yo 05:26
Camins de piedra sin punta. Tobos silenzios sin prisas. Dispertar d’un día nuevo... ¡Ixo diz que ye a vida! M’esbotan risos sin ganas e se mueren as glarimas con a luz que nunca naixe con a luz que no termina. E escribo versos pa yo cuan o zielo ya no brila, cuan m’afogan á poquet os risos con as glarimas. E escribo versos pa yo cuan o zielo ya no brila, Yo sé, agora que vivo, muy bien o que ye a vida. Agora que muero ausenzias sin bela luz que me guía, agora que crebo besos; agora que no sospiran os deseyos d’un amor... agora sé cómo ye a vida. E escribo versos pa yo cuan o zielo ya no brila, cuan m’afogan á poquet os risos con as glarimas. E escribo versos pa yo cuan o zielo ya no brila,
17.
Siria 00:27
siria pa cutio en o corazón ue encara més doloriu bel día i tornaré encá que no seiga que pa plorar sobre as tuyas zenisas e as almas muertas d’amigos pa siempre perdius siria amada yes ista nueit de bombas asesinas un fundo forau per an me se’n fui a vida

about

Se trata de un proyecto poético-musical de Os Chotos alrededor de la poesía de Ánchel Conte. Cadenzias contiene 17 canciones e incluyen 19 poemas de todos sus poemarios editados más dos inéditos.

credits

released April 3, 2019

OS CHOTOS
Dani Beltrán (laut, guitarro e voz)
Dani Caracola (baixo e voz)
Kike Ubieto (guitarras, curdión diatonico, armonica, dulzaina, flauta e voz)
Santi Manresa (batería, percusión e voz)
Miguelé Abadías (gaita, dulzaina, trompa de Ribagorza, whistle e voz)

RAPSODAS COLABORADORES:
Andrés Castro
Ángel Petisme
Luis Felipe Alegre
Paco Paricio

MÚSICOS COLABORADORES
Luis Miguel Bajén
Roberto Serrano
Eugenio Gracia
Marta Casas
Mª José Hernández

ESCRITORES COLABORADORES
Ignacio Escuín e José Ignacio López Susín
Mariví Broto
Mariano Coronas
Ángel Guinda
José Luis Melero
Antón Castro
Marina Heredia Ríos
Chusé Raúl Usón
Severino Pallaruelo
Antonio Pérez Lasheras
Lluís-Xavier Flores Abat
Roberto Serrano
Marcos Callau

license

all rights reserved

tags

about

Os Chotos Barcelona, Spain

contact / help

Contact Os Chotos

Streaming and
Download help

Report this album or account

If you like CADENZIAS, you may also like: